Saturday

നിന്നോടാകുമ്പോൾ
എന്റെ പ്രണയം പറയാൻ
ഒരു ജന്മം മതിവരാതെ പോകുമെന്ന്
നാമറിഞ്ഞ;
പരസ്പരം പറഞ്ഞ
സൂര്യകാന്തിപ്പാടങ്ങൾ.

നാമന്യോന്യം പറഞ്ഞ
വാക്കുകളിൽ നിന്ന്
വിരിഞ്ഞ
ആയിരം കവിതകൾ.

വിത്തുകളായ്
പരസ്പരം
കാത്തുറങ്ങിയ
ആയിരം വർഷങ്ങൾ .

സൂര്യനായ് വിരൽ നീട്ടി തൊട്ടും 
മഴയായ് പെയ്ത് ഉള്ളം നിറച്ചും
തമ്മിലറിഞ്ഞ
ആയിരമായിരം 
വർഷങ്ങൾ.


സ്നേഹം അനുഭവമാണെന്ന് പറഞ്ഞവന്‌ ;
അത്
പറഞ്ഞറിയിക്കേണ്ടതല്ലെന്ന അനുഭവം തന്നവന്‌