പത്മ
.. . അദൃശ്യമായ ഒരുപാടക്ഷരങ്ങളുണ്ട് സ്നേഹമെന്ന വാക്കില്..
Thursday
പ്രണയം:
എല്ലാ വാക്കുകളേയും നിനക്കുള്ള സ്നേഹസന്ദേശമായ്
ക്രമപ്പെടുത്തുന്ന
ആ അൽഗോരിതം.
ഉറങ്ങിയോ എന്നോ
നിന്നിലേക്ക് തുറന്നു പിടിച്ച കണ്ണുകളെ
രാവെന്ന് പേരിട്ട
ഈ ഞാനോ !
ഹൃദയം തൊടുന്നത് ആരോ
അവർ
മനുഷ്യർ.
നാം
തമ്മിൽ അറിയാത്തവർ.
അപരിചിതർ.
നിനക്ക് ഊഹിക്കാമോ
അതുകൊണ്ട് നാം
അനുഭവിക്കുന്ന സ്വാതന്ത്ര്യം
എത്രയാണെന്ന്!
ഒരോർമ്മയോടോപ്പം
നടന്നു തുടങ്ങിയിട്ടുണ്ട്.
അറിയില്ല
എപ്പോഴാണ്
അതിന് വേദനിക്കുകയെന്നും വിശക്കുകയെന്നും ,
എന്നെ കുത്തി നോവിക്കാൻ !
നിന്റെ
തിരക്കുകളുടെ
സൂര്യകാന്തിപ്പാടം.
പൂത്തുനിൽക്കുന്ന
എന്റെ
പ്രണയത്തിന്റെ
മുക്കുറ്റിച്ചെടികൾ.
(നിന്നെക്കുറിച്ച് ഏറെ അറിയണമെന്ന )
എന്റെ ആഗ്രഹങ്ങൾ അവസാനിക്കുന്നില്ല.
(നിന്നിലേക്കുള്ള യാത്രകൾ അവസാനിപ്പിക്കാൻ )
എനിക്ക് ഈ അനുഭവങ്ങൾ മതിയാകുന്നുമില്ല.
Newer Posts
Older Posts
Home
Subscribe to:
Posts (Atom)
സ്നേഹം
അനുഭവമാണെന്ന് പറഞ്ഞവന് ;
അത്
പറഞ്ഞറിയിക്കേണ്ടതല്ലെന്ന
അനുഭവം തന്നവന്