ജലാശയങ്ങൾ പോലെ ചില മനുഷ്യരുണ്ട്.

അവരങ്ങനെ 

വറ്റി വറ്റി വരണ്ടു പോകുന്നു-

ഇനിയൊരു മഴയ്ക്കും നിറയ്ക്കാനാകാത്ത വിധം 

 ആകാശത്തിനും ഭൂമിക്കുമിടയിൽ 

മഴ എന്നു പേരുള്ള 

ഒരു ട്രെയിൻ ഓടിക്കൊണ്ടേയിരിക്കുന്നു.

വിൻഡോ സീറ്റുകളിൽ ഒന്നിൽ ഞാനുണ്ട് 

കാറ്റിലേക്ക് കൈകൾ വീശി വീശി ...

 ഏകമാണ് ; എന്റെയാണ്.

കാരണമില്ലാത്തതാണ്; കണ്ണ് നനയ്ക്കുന്നതാണ്.

അന്തമില്ലാത്ത ഒന്ന് ; അനാദിയായതും.

തനിമയിലുണ്ടത് ; തമ്മിലും കണ്ടെടുക്കാം.

ഉപേക്ഷിയ്ക്കാനാകാത്ത പുറന്തോടുകൾ;

വേഗമില്ലായ്മകൾ  -

ജീവിതം അതിനുള്ളിലും അതിന്റെ രസങ്ങൾ എല്ലാം നിറച്ച് നൃത്തം ചെയ്യുന്നു.

പ്രണയമന്വേഷിയ്ക്കുന്നു.

 നീയോ തെളിച്ചമുള്ള ഒരു കണ്ണാടി 

നിന്നിൽ തെളിയുമ്പോൾ 

ഞാനോ 

ഒരു തൊട്ടാവാടി