.. . അദൃശ്യമായ ഒരുപാടക്ഷരങ്ങളുണ്ട് സ്നേഹമെന്ന വാക്കില്..
ഓർമ്മയെന്ന മരച്ചുവട് -
നിന്നിലും മഴയിലും നനഞ്ഞ നേരങ്ങൾ .
"മഴ എന്ന വാക്ക്.
അതിന്റെ ഇരുകരകളിലൂടെ നാം അലഞ്ഞു."
എന്ന വരികളിൽ തുടങ്ങിയ ഒരു കത്ത്
നാമിരുവരിൽ ഒരാൾ എഴുതിയത് ഓർക്കുന്നു.
"മിന്നൽ.
പെയ്ത്ത്-
ഓരോ വാക്കിലും എന്നിൽ മുളയ്ക്കുന്ന
പരശതം കൂണുകൾ "
എന്ന മറുപടിയും ഓർക്കുന്നു.
പ്ലൂട്ടോയ്ക്കും അപ്പുറം ഒരു ഭ്രമണപഥത്തിലൂടെ
ഒറ്റയ്ക്ക് സൈക്കിൾ സവാരി ചെയ്യുന്ന
പെൺകുട്ടിയെ ഒരു കാലത്ത് ഞാൻ നോക്കി നിൽക്കാറുണ്ടായിരുന്നു.
എന്നിൽ നിന്ന് അടർന്നു പോയ- അകന്നു പോയ - ഒരു പെൺകുട്ടി.
ഒരേ മുറിയിൽ