"ഞാൻ ആരെന്ന് ആര് അറിയണമെന്ന് ഞാൻ ആഗ്രഹിച്ചുവോ അവൾ മാത്രം അതറിയുന്നതിലെ ആനന്ദം"  എന്ന വരിയികളിൽ ഒരു കവിതയുണ്ട്.

നിന്റെ കത്തിൽ ആ കവിത ഞാൻ കണ്ടെടുക്കുന്നു.

 എഴുത് 

എന്ന് നീ പറയുന്നു.

അക്ഷരംപ്രതി

അത് ഞാൻ  അനുസരിക്കുന്നു.

 എഴുത്ത് എന്നാൽ ഫോസിൽ പോലെ 

എന്നോ ഇങ്ങനെ ഒരാൾ ജീവിച്ചിരുന്നു എന്നതിലേക്കുള്ള അടയാളങ്ങൾ.

മുന്നൊരുക്കങ്ങൾ യാതൊന്നുമില്ലാതെ 

നാം 

ഭൂമിയിൽ പാർക്കാനെത്തുന്നു.

അവിചാരിതമായൊരിക്കൽ 

പ്രണയത്തിന്റെ മുറികളിൽ 

കയറിച്ചെല്ലുന്നു-

ജീവപര്യന്തം തടവിലാകുന്നു.

 നീ വരുന്നു.

ഒന്നോ രണ്ടോ വാക്കുകൾ മിണ്ടുന്നു.

ഞാൻ വീണ്ടും
സ്നേഹത്തെക്കുറിച്ച് എഴുതിത്തുടങ്ങുന്നു.

സ്‌ക്രീൻ ഷോട്ടുകൾ 

എന്ന് (മാത്രം) പേരിടാവുന്ന എഴുത്തുകൾ- ഓർമ്മകളും.