എന്നിൽ നിന്ന് നിന്നിലേക്കുള്ള നൃത്ത ചുവടുകൾ-
എന്റെ ആഹ്ലാദം!
ഒടുക്കം നിന്നിൽ ചേർന്നുപോകേണ്ടുന്ന ചലനങ്ങൾ,
സ്വരങ്ങൾ:
വാക്കുകൾ!
എന്നിൽ ഞാനില്ലാതാകും വരേക്കുമെന്റെ ധ്യാനം..

ആകാശം പോലെ ,
അതിരുകളില്ലാത്തൊരിടം- നീ
വിസ്മയങ്ങൾക്കു നിറമേതെന്ന ചോദ്യത്തിന്‌ നീ വിരൽ ചൂണ്ടിയ ഇടം..
എന്റെ വിസ്മയങ്ങൾ നിന്നിലാരംഭിക്കുന്നു;
തുടർച്ചകളാകുന്നു,

എന്റെ നൃത്തചുവടുകൾ സ്വ്വീകരിക്കുക..
എന്നിൽ ഞാനില്ലാതാകും വരേക്കും,നീ കൈകൾ കോർത്തുപിടിക്കുക,എന്നെ നെഞ്ചോട് ചേർക്കുക,
അതിരുകളില്ലാത്ത സ്നേഹം കൊണ്ട് അലങ്കരിക്കുക!