എനിക്കുള്ളിലെ പുഴയിലേക്ക്:
കിറുക്കുകളുടെ
ഒരു മഞ്ഞഗോവണി,
കസ്തൂരി മഞ്ഞളിന്റെ മണം,
കുങ്കുമത്തരികള്-
മിണ്ടുന്നില്ല ഒന്നും;
ഒരക്ഷരം പോലും ഓര്ത്തെടുക്കുന്നുമില്ല.
നാഡികളില് ഇഴചേര്ന്ന സ്പന്ദനങ്ങളും,
വിരലഗ്രങ്ങളിലെ കോര്ത്തിണക്കങ്ങളും,
അവയും മിണ്ടുന്നില്ല-
ആര്ക്കും നിന്റെ ഭാഷയറിയില്ല,
എന്റേയും-
അതുകൊണ്ടാകണം
ഇന്നലെ ഉറക്കത്തില്
ഇലകള് പൊഴിഞ്ഞുകൊണ്ടേയിരുന്നത്...
ഒരു സ്പര്ശനം വരെ
മൌനം അസഹ്യമാണെന്ന് പറഞ്ഞുകൊണ്ടേയിരുന്നത്...