Saturday

നീ ഒരു പുഴയാവുക.

കാലത്തെ അതിജീവിക്കുന്ന പുഴ!
എന്നെ അതിലുപേക്ഷിക്കുക.
ഇന്നലകളിലേക്ക്
നീ തിരിച്ച് പോവുക..

എന്നെ അറിയാതിരുന്ന ഇന്നലകളിലേക്ക് മടങ്ങി,
ദിശമാറ്റി,
കാലങ്ങളോളം നീ ഒഴുകുക.

നിന്റെ ആഴങ്ങളിൽ പരിഭ്രമിക്കാതെ,
നിന്റെ ഒഴുക്കിൽ വഴിതെറ്റാതെ,
ഒരിയ്ക്കലും കണ്ണടയ്ക്കാൻ കഴിയാത്ത മത്സ്യമായ്

നിന്റെ ആഴങ്ങളിലെ ഓർമ്മപ്പുറ്റുകളിൽ
 തപസ്സിരിക്കണമെനിക്ക്.