ആരെങ്കിലും നമ്മോട് സ്നേഹമാണെന്ന് പറയുന്നത് കേൾക്കുന്നതെന്ത് സുഖമാണെന്നോ!
അങ്ങിങ്ങായി ചിതറിക്കിടക്കുന്ന ഊർജ്ജകണങ്ങൾ നമ്മുടെയുള്ളിൽ ആവാഹിക്കപ്പെടുന്നതുപോലെ ഉന്മേഷദായകമായ ഒരനുഭവം.
രാത്രി മുഴുവൻ മഴ പുതച്ചു കിടന്ന മരം വെയിലിൽ മുത്തുകൾ പൊഴിച്ചുണരുന്നതുപോലെയൊരു സുഖം.
ആവാഹിക്കപ്പെടുന്നതുപോലെ
പൊഴിച്ചുണരുന്നതുപോലെ
എന്നെ എന്നും സ്നേഹിക്കുക!
നിന്നിലെ ചില വാക്കുകളുടെ
ആകാശം മതി എനിയ്ക്ക്
ചിറകുകൾ മുളയ്ക്കാനും
ചിലനേരങ്ങളിൽ മഴവില്ലാകാനും.
നിന്നിലെ ചില വാക്കുകളുടെ
വേനൽ വിയർപ്പു മതിയെന്നെ
പലകാലം മഴയായ് പെയ്യിക്കാനും
പലപല വിത്തുകളായ്
മണ്ണിൽ ജീവനായ് പടരാനും.
നിന്നാല്‍ എഴുതപ്പെടുന്നു
എന്നിലെ സ്വകാര്യങ്ങള്‍ !
നീയറിയാതെ
നീ
എന്റേതാകുന്നതിലെ
സ്വകാര്യങ്ങള്‍
:-)
