ആര്‍ത്തലച്ചട്ടഹസിച്ച്,
നിര്‍ത്താതെ കരഞ്ഞ്,
മഴപോലെ നനഞ്ഞ്,
വന്ന ഒരുവളെ
ചേര്‍ത്ത് ചേര്‍ത്ത്
തന്നിലേക്ക് തന്നിലേക്കാക്കി നിര്‍ത്തി;
'ഇതൊരു കുഞ്ഞുകാറ്റല്ലേ
മേഘത്തിന്റേയൊരു തുണ്ടല്ലേ
ഒരിത്തിരി കറുത്ത ആകാശമല്ലേ
ഇത്രമേലിടിവെട്ടിപ്പെയ്യാനെന്തിരിക്കുന്നു'
എന്ന് ചോദിച്ച
നാട്ടുവഴിയിലെ വയസ്സന്‍ മരമില്ലേ?
അതിന്റെ ചുവട്ടിലിരുന്നു മയങ്ങിയ പോലെ തോന്നി
ഇന്ന് നിന്നെ ഓര്‍ത്തപ്പോള്‍!