സ്നേഹം പങ്കുവയ്ക്കാനല്ലാതെ മറ്റെന്തിനാണ്‌!
സ്നേഹം നിഷേധിക്കാൻ തോന്നുന്നതിനേക്കാൾ നിർഭാഗ്യം മറ്റെന്താണ്‌!
അങ്ങനെ ആവർത്തിച്ച് ആവർത്തിച്ച്
സ്നേഹത്തെക്കുറിച്ച് ഓർത്തെടുക്കുമ്പോൾ,
അത് നമ്മുടെ അരികിലെത്തും.
നാം എത്തിപ്പെടുന്നിടങ്ങളിൽ നമ്മെ കാത്ത് നില്ക്കും.തനിച്ചായിപ്പോകുന്ന യാത്രകളിൽ
തനിച്ചല്ലെന്ന് ഓർമ്മിപ്പിക്കാൻ കൂടെയെത്തും.
ആരിലൂടെയെങ്കിലും അതിന്റെ അടയാളങ്ങൾ നമ്മളിൽ പതിയും.
നിഷേധിക്കാൻ കഴിയാതെ നമ്മെ അതിന്റെ ഭാഗമാക്കും.
സ്നേഹിക്കാൻ ,സ്നേഹിക്കപ്പെടാൻ കാരണങ്ങൾആവർത്തിച്ച് ആവർത്തിച്ച്
നമ്മുടെ അരികിലെത്തും.
