ഹൃദയമേ ,
നീ എന്നെ ഈ ചില്ലുകൂട്ടിലടച്ചിട്ട്
എന്തിനാണ്‌
ആ സഞ്ചാരിയോടൊപ്പം യാത്രപോകുന്നത്?

ഹൃദയമേ ,
നിന്നിലെ വാക്കുകളുടെ ശലഭജീവിതത്തിന്‌
അവനെന്ന താഴ് വാരത്തിൽ മാത്രം ചിറക് മുളയ്ക്കുന്നത്?
നിന്നിലെ ആകാശയാത്രകൾ
അവനെന്ന സൂര്യനു ചുറ്റുമുള്ള ഭ്രമണമായ് മാറിപ്പോകുന്നത്?
രാത്രികൾ എന്നും

അവന്റെ ജാലകപ്പുറത്ത് നിശാഗന്ധിയായ് പൂത്ത് പോകുന്നത്?

( ഇതെല്ലാം എഴുതുന്നത്
നിനക്ക് മാത്രമായിട്ടല്ലെന്ന് കളിയായ് പോലും പറയാൻ വയ്യ! )