നമ്മുടെ ഉള്ളിലെ പാറക്കെട്ടുകൾക്കിടയിലൂടെയാണ് നാം എപ്പോഴും ഒഴുകുന്നത്:
അല്പം കൂടി നാം മൃദുവാകാനുണ്ടെന്ന്
മിനുസപ്പെടാനുണ്ടെന്ന് ഓർത്ത് കൊണ്ട്.
ഉള്ളിലെ അലിവിന്റെ നീരുറവകൾ പുറത്തേക്ക് ഒഴുകുമെന്ന് തീവ്രമായ് ആഗ്രഹിച്ചു കൊണ്ട്.

നമ്മുടെ ഉള്ളിലെ പാറക്കെട്ടുകൾക്കിടയിലൂടെയാണ് നാം എപ്പോഴും ഒഴുകുന്നത്:
നമുക്കുള്ളിലെ ധാർഷ്ട്ര്യം, മത്സരം, കാലുഷ്യം  എല്ലാമെല്ലാം
ഒരു ദിവസം പൊടിഞ്ഞു പൊടിഞ്ഞു തീരേണ്ടതാണെന്ന് അറിഞ്ഞു കൊണ്ട്.

പുഴയും പാറക്കെട്ടുകളും നമ്മുടെ ഉള്ളിൽ തന്നെയാണ്;
അനേകമനേകം ഋതുഭേദങ്ങളും!