ഇതുവരെ ജനിച്ചിട്ടില്ലാത്ത ഒരുവളോടൊപ്പം

ഇങ്ങനെ

ചുറ്റിനടക്കുന്നത്

നിനക്ക് 

ഇഷ്ടമാകുന്നുണ്ടോ?

അവളുടെ

വിരലുകൾ

വാക്കുകൾ

വിറയലുകൾ

ഭ്രാന്തുകൾ

നിർത്താതെയുള്ള ഈ പിറുപിറുപ്പ്

നിനക്ക് 

ഇഷ്ടമാകുന്നുണ്ടോ?

ഇതു വരെ ജനിയ്ക്കാത്ത നിന്നെയാണ്

എനിക്ക് ഇഷ്ടമെന്ന് 

ഇതു വരെ ജനിയ്ക്കാത്ത നീയാണ്

എന്റെ പ്രാണനെന്ന്

ഇനി ഒരിയ്ക്കലും

നീ ജനിയ്ക്കേണ്ടതില്ലയെന്ന്

അവളോടെന്നും പറയാറുണ്ടോ?

ഇനിയും ജനിച്ചിട്ടില്ലാത്ത

നിന്നോടൊപ്പം

ഇനിയും ജനിച്ചിട്ടില്ലാത്ത

ഞാൻ എന്ന്

ഇനിയും ജനിച്ചിട്ടില്ലാത്ത

നമ്മളിങ്ങനെ ..

എന്ത് രസ്സാണ് , ല്ലേ?