ഏതേതെല്ലാം വഴികളിലൂടെയാണെന്നറിയില്ല,
നിന്നെ
ഓർമ്മ വരുന്നു.
ഏതേതെല്ലാം വഴികളിലൂടെയാണെന്നറിയില്ല,
നിന്റെ
ഓർമ്മ വരുന്നു.
നിന്റെ ചെരുപ്പുകൾ എടുത്തണിയുന്നു.
നിന്നെപ്പോലെ
മുറിയിലാകെ ചുറ്റി നടക്കുന്നു.
നിന്നെപ്പോലെ
എന്നോട് മിണ്ടുന്നു.
നിന്നെപ്പോലെ മിണ്ടാതെ ഇരിക്കുന്നു.
നിന്നെ ഉറക്കാൻ ഉറങ്ങുന്നു.
നീ ഉണർത്തിയത് പോലെ
ഉണരുന്നു.
അഴിച്ചു വയ്ക്കാനാകാത്ത ഒരു ഉടുപ്പ് പോലെ
നിന്നെ അണിയുന്നു.
അറിയുന്നു.