യുറാനസ് എന്നും 

നെപ്ട്യൂൺ എന്നും പേരുള്ള രണ്ട് കുട്ടികളായ് 

നാം മാറുന്നു.

മഞ്ഞ ശലഭങ്ങളുള്ള ഭൂമിയെക്കുറിച്ചും 

ചുവന്ന കുന്നുകളുള്ള ചൊവ്വയെക്കുറിച്ചും 

ശനിയുടെ മോതിരവിരലിനെക്കുറിച്ചും 

വ്യാഴത്തിലെ ബലൂണുകളെക്കുറിച്ചും 

കഥകൾ പങ്കിടുന്നു.

ഇടയ്ക്ക്

ഇതാ നിനക്ക് ഞാൻ വാങ്ങിച്ച മൂക്കുത്തി എന്ന് ബുധനേയും 

ഇതാ ഞാൻ നിന്റെ പേരിട്ട് വിളിക്കുന്ന മിന്നാമിന്നി എന്ന് ശുക്രനേയും 

കൈമാറുന്നു.

അതിനിടയിൽ 

സൂര്യന് ചുറ്റും 

ഒളിച്ചു കളിച്ച് 

ഒളിച്ചു കളിച്ച് 

തമ്മിൽ 

കാണാതെയാകുന്നു.