ജീവിച്ചിരിക്കുന്നതിന്റെ ഒച്ചയനക്കങ്ങൾ
ഒന്നുമില്ലാത്ത ഒരു നേരം
ആരോ
നമ്മെ തിരഞ്ഞെത്തുന്നു..
നമ്മിലേക്കെത്താൻ
നാമെഴുതിവെച്ച വാക്കുകൾ അല്ലാതെ മറ്റൊന്നുമില്ലാത്ത
ഒരിടത്ത് ഇരുന്ന്
അവർ
നമ്മെ അന്വേഷിക്കുന്നു.
മനുഷ്യരിൽ നാം
ഏത് തരക്കാരായിരുന്നു എന്ന് അവർ ചിലത് ഊഹിക്കുന്നു..
ചിലത് കണ്ടെത്തുന്നു..
ചിലത് വീണ്ടെടുക്കപ്പെടാതെയും ബാക്കിയാവുന്നു..
ഭൂമിയിലെ ജീവിതങ്ങളെ പൂർണ്ണമാക്കുന്ന ചില രഹസ്യങ്ങൾ!
ഹാ! അതിസുന്ദരം