തീവ്രമായ് സ്നേഹിക്കുകയും
അത്രയുമുറക്കെ നിന്നോട് വിയോജിക്കുകയും
നിന്നെ എന്നിൽ കൂട്ടിച്ചേർക്കാനുള്ള ഭ്രാന്തുകളുടെ പെരുക്കപ്പട്ടിക മനഃപാഠമാക്കുകയും
സമയമെത്തുമ്പോൾ കൃത്യമായ് അത് മറന്നുപോവുകയും
ചുവരുകളായ ചുവരുകൾ നീളെ നിന്നെ വരച്ചു വയ്ക്കുകയും
കത്തുകളായ കത്തുകൾ ഒക്കേയും നിനക്ക് വേണ്ടി എഴുതുകയും
ചെയ്യാറുണ്ടായിരുന്ന
നിനക്ക് അപരിചിതയായ
അതേ ഞാൻ.