ഏതേതെല്ലാം വഴികളിലൂടെയാണെന്നറിയില്ല,
നിന്നെ
ഓർമ്മ വരുന്നു.
ഏതേതെല്ലാം വഴികളിലൂടെയാണെന്നറിയില്ല,
നിന്റെ
ഓർമ്മ വരുന്നു.
നിന്റെ ചെരുപ്പുകൾ എടുത്തണിയുന്നു.
നിന്നെപ്പോലെ
മുറിയിലാകെ ചുറ്റിനടക്കുന്നു.
നിന്നെപ്പോലെ
മിണ്ടുന്നു.
നിന്നെപ്പോലെ
മിണ്ടാതെ
ഇരിക്കുന്നു.
നിന്നെ ഉറക്കാൻ
ഉറങ്ങുന്നു.
നീ ഉണർത്തിയത് പോലെ
ഉണരുന്നു.
അഴിച്ചു വയ്ക്കാനാകാത്തൊരുടുപ്പ് പോലെ
നിന്നെ
അണിയുന്നു.
അറിയുന്നു.
(നിന്നിൽ
ഒളിച്ചിരിക്കുന്നു.)
