ഒരാളോട് തോന്നുന്ന വെറുപ്പ് കൊണ്ട് മറ്റൊരാളെ സ്നേഹിച്ചു തുടങ്ങരുത്.

വെറുപ്പല്ല സ്നേഹത്തിന്റെ ഉറവിടം.

അനേകം സ്നേഹഭംഗങ്ങൾ അനുഭവിച്ചത് കൊണ്ട് 

ആരുമില്ലാതെ ഒറ്റയ്ക്കാണെന്ന് തോന്നുന്നത് കൊണ്ട് 

കേൾക്കാൻ / മനസ്സിലാക്കാൻ ഒരാൾ വേണം എന്നത് കൊണ്ട് 

മറ്റൊന്നും ചെയ്യാനില്ലാത്തത് കൊണ്ട് 

കവിതകൾ എഴുതുന്നത് കൊണ്ട് 

ചിത്രങ്ങൾ വരയ്ക്കുന്നത് കൊണ്ട് 

നൃത്തം ചെയ്യുന്നത് കൊണ്ട് 

പാട്ട് കേൾക്കുന്നത് കൊണ്ട് 

 

തോന്നേണ്ടതല്ല പ്രണയം.

പ്രണയിക്കാതിരിക്കാൻ ആകുന്നിലെന്ന ഒറ്റകാരണമേ വേണ്ടൂ

പ്രണയിക്കാൻ;

പ്രണയിക്കപ്പെടാനും.