അങ്ങനെ അങ്ങനെയിരിക്കെ
വാതിലിനപ്പുറത്ത്
നീ വന്നു നില്ക്കുന്നു.
അദ്ഭുതങ്ങളൊന്നുമില്ല.
തികച്ചും സ്വാഭാവികമായി.
ദിവസങ്ങൾ പലതിലേക്ക്
നീണ്ടുനീണ്ടു പോയേക്കാവുന്ന
ആലിംഗനത്തിലേക്കെന്നെ നീ ചേർത്തു വയ്ക്കുന്നു.
പ്രാണനേ
ഇനിയുള്ളദിവസങ്ങളിലേക്ക്
വിടർന്നുലയാനായ്
ഞാൻ പൂമരമാകുന്നു.
എനിക്കദ്ഭുതമില്ല.
നമുക്കിടയിൽ വാഗ്ദാനങ്ങളില്ല;
കാത്തിരിയ്കാമെന്ന സന്ദേശങ്ങളില്ല.
എങ്ങനെ ഇത്ര കൃത്യമായി
എന്നിലേക്കിങ്ങനെയെന്ന്
എന്നാലും
എനിക്കദ്ഭുതമില്ല.
നിമിഷാർധം കൊണ്ട് നിന്നിലേക്കെത്താവുന്ന ഊടുവഴികൾ
കരുതിവച്ചുകൊണ്ടത്രേ ഞാൻ
നിന്നിൽ നിന്ന്
യാത്രകൾ പോകുന്നത്.
വാതിലിനപ്പുറത്ത്
നീ വന്നു നില്ക്കുന്നു.
അദ്ഭുതങ്ങളൊന്നുമില്ല.
തികച്ചും സ്വാഭാവികമായി.
ദിവസങ്ങൾ പലതിലേക്ക്
നീണ്ടുനീണ്ടു പോയേക്കാവുന്ന
ആലിംഗനത്തിലേക്കെന്നെ നീ ചേർത്തു വയ്ക്കുന്നു.
പ്രാണനേ
ഇനിയുള്ളദിവസങ്ങളിലേക്ക്
വിടർന്നുലയാനായ്
ഞാൻ പൂമരമാകുന്നു.
എനിക്കദ്ഭുതമില്ല.
നമുക്കിടയിൽ വാഗ്ദാനങ്ങളില്ല;
കാത്തിരിയ്കാമെന്ന സന്ദേശങ്ങളില്ല.
എങ്ങനെ ഇത്ര കൃത്യമായി
എന്നിലേക്കിങ്ങനെയെന്ന്
എന്നാലും
എനിക്കദ്ഭുതമില്ല.
നിമിഷാർധം കൊണ്ട് നിന്നിലേക്കെത്താവുന്ന ഊടുവഴികൾ
കരുതിവച്ചുകൊണ്ടത്രേ ഞാൻ
നിന്നിൽ നിന്ന്
യാത്രകൾ പോകുന്നത്.